رحیم یارخان ۔17 اگست(اے پی پی) رحیم یار خان اچ ریکارڈ زور دے مینھ وسݨ پاروں تریمت سودھے 3بندے جاں بحق تھی ڳئن ۔ رحیم یارخان اچ گزریل 30 گھنٹے توں زور دا مینھ وسݨ دا سلسلہ جاری اے ۔ پنجاب اچ ساریں توں ودھ مینھ رحیم یار خان اچ وٹھے ۔ محکمہ موسمیات دے اعلامیہ موجب ہݨ تئیں 80 ملی میٹر توں ودھ مینھ ریکارڈ کیتا ڳئے ۔مینھ وسݨ پاروں رحیم یارخان دے نشیبی علاقے پورے طور تے پاݨی اچ آڳئن ۔ سڑکاں مکمل طور تے پاݨی اچ ٻُݙ ڳئن ، انڈر پاسز پاݨی نال بھر ڳئن ۔ ذرائع موجب مینھ پاروں احسان پور اچ مکان دی چھت ڈھݨ پاروں ٻڈھی تریمت جاں بحق ، 2 ٻال زخمی تھئن ،لیاقت پور اچ گھراں اچ کم کرݨ ویلھے کرنٹ لڳݨ نال 1 تریمت تے 1 نکی عمر دا چھوہر جاں بحق تھی ڳئے۔مختلف جہیں تے وݨ ڈھݨ دے واقعات اچ موٹر سائیکل سواراں سودھے 5 زخمی تھئن ۔سلطان پور دے نیڑے سڑک تے کھڈے پووݨ نال ٹرک ڈھݨ پاروں ڈرائیور زخمی تھی ڳئے
