اسلام آباد۔19اگست(اے پی پی)پاکستان انٹرنیشنل ایئر لائن (پی آئی اے) کراچی توں جدہ اتے مدینہ کیتے کرایاں اچ 30 فیصد کمی دا اعلان کرݙتے۔ پی آئی اے دے ترجمان عبداللہ حفیظ خان آکھیے جو کراچی توں جدہ اتے مدینہ کیتے ہک پاسو دا کرایہ 56 ہزار بشمول ٹیکس کرݙتا ڳئے ڄݙاں جو ݙوطرفہ کرایہ 88 ہزار بشمول ٹیکس کیتا ڳئے۔ رعایتی کرایاں دے ٹکٹ 31 اگست 2024 تئیں جاری کرائے ونڄ سڳسن، رعایتی کرائے تے 30 ستمبر 2024 تئیں سفر کیتا ونڄ سڳدے۔
