اسلام آباد۔20اگست(اے پی پی)سرائیکی وسیب دے ادیب نینگراں کوں موسمیاتی تبدیلی جئیں اہم ایشو کو شاعری ذریعے نشابر کرݨ دی لوڑ اے ، اے ڳالھیں “قلم قافلہ ” دے چئیرمین نئیر سرحدی سرائیکی نیوز سروس نال خصوصی ڳالھ مہاڑ کریندیں ہوئیں آکھی۔ انہاں آکھیا جوسرائیکی وسیب اساݙا ٻہوں پیارا اتے مٹھا وسیب اے اتے ایندے لوک ٻہوں امن پسند اتے سوھݨے لوک ہن اتے محبت کوں اے زیادہ ترجیح ݙیندن۔ سرائیکی زبان کوں پروموٹ کرݨ اساݙا فرض ٻݨڈے، نویں لکھاری ٻݨݨ آلے نینگر انہاں کوں چاہیدے جو ایں ویلھے ماحولیاتی تبدیلی بارے لوکاں کوں ݙساؤں۔انہاں آکھیا جو ایندےکیتے اساکوں شعور بیدار کرݨ دی لوڑھ اے۔ میں قلم قافلہ دے چیئرمین دی حیثیت نال پورے ملک اچ اساݙی شاخاں ہن، اساݙے ادیب، شاعر، صحافی، قلمکار ایندے اتے ٻہوں کم کریندے پئن۔ سرائیکی زبان ٻہوں پراݨی زبان اے ایندی ہک آپݨی سنڄاݨ اے، تاریخ اے، ایندی آپݨی ہک اہمیت اے۔ انہاں آکھیا جو میں نویں نسل کوں اے آکھساں جو او آپݨی زبان دےودھارے کیتے کم کرن کیونجو نینگر آپݨی زبان واسطے ٻہوں کم کر سڳدن۔
ڈاکٹر سعدیہ کمال
