اسلام آباد۔21اگست(اے پی پی)جھوک اخبار دے بانی چیف ایڈیٹر ظہور دھریجہ دا آکھنڑ ہا سن 80 اچ الاستاد ءچ سرائیکی صفحہ کڈھیا ہئی تے اوں توں بعد رھبر اچ سرائیکی دا صفحہ کڈھیا۔ 1981 ءچ “روہی رنگ ” کڈھیا تے سرائیکی دے ادبی ، ثقافتی پروگرام ہوون تے بھانویں مشاعرے وسیب ءچ کم کیتا ۔ ترائے دہائیاں توں وددھ ” جھوک” اخبار کوں وسیب دی خدمت کریندے لنگھ گئین۔ 11 جون 1990 کوں پہلا ڈینھ وار اخبار ” جھوک” رحیم یار خان توں شروع کیتا تے 17 نومبر 1994 کوں ملتان توں کڈھیا۔گھٹ ودھ ترائے سال بعد دیرہ اسماعیل خان توں چھپنڑ پئے گیا ۔۔اے اخبار نہ صرف تعلیم ڈیونڑ دے حوالے نال ہک استاد دا کم کیتا جڈاں جو پورے وسیب دی ترجمانی ” جھوک ” اخبار کیتی ۔
