لاہور۔22اگست(اے پی پی)وزیراعلی پنجاب مریم نواز شریف صوبے اچ مختلف شاہراواں تے ودھدیاں ڈکیتاں تے چنتا کریندے ہوئے پولیس کوں ہدایت کیتی اے جو او لوکاں کوں تحفظ ݙیوݨ کیتے فوری اقدامات کرن۔ اے ہدایات انہاں لاہور اچ ہک اڄلاس دی اڳواݨی کریندے ݙتن۔ اجلاس اچ پولیس افسران دی کارکردگی رپورٹ پیش کیتی گئی اتے پولیس افسراں دی کارکردگی پرکھݨ کیتے مقررہ اشاریئے(کے پی آئی)دا جائزہ ڳھدا ڳئے۔ وزیر اعلیی آکھیے جو پنجاب دے ہر علاقے اچ ہاٹ سپاٹ ایریاز مکاوݨ کیتے فوری کارروائیاں کیتاں ونڄن، مسافراں، تاجراں اتے دکانداراں دا تحفظ کریندے ہوئے ڈکیتی وارداتاں اتے ٻئے جرائم روکݨ کیتے ہنگامی اقدامات کیتے ونڄن۔ انہاں آکھیا جو تریمتیں اتے ٻال ریڈ لائن ہین انہاں دے خلاف جرائم کو ہر صورت روکیے ونڄن۔
