راولپنڈی۔23اگست (اے پی پی) پی سی بی پاکستان اتے بنگلہ دیش وچال راولپنڈی کرکٹ سٹیڈیم اچ جاری پہلے ٹیسٹ دے بقایا ݙو ݙینھ کیتے شائقین دا داخلہ مفت کر ݙتے۔ اے فیصضہ ویکڈ اینڈ کوں ݙیکھدیں ہوئیں کیتا ڳئے جئیں نال فیملیز کوں ودھ توں ودھ تعداد اچ کھیݙ ݙیکھݨ داموقع ملسی۔ تماشائیاں کوں سٹیڈیم اچ آوݨ کیتے آپݨا اصل شناختی کارڈ یا ب فارم لازمی ہوسی۔ شائقین کہیں وی وی آئی پی انکلوژرز (عمران خان اتے جاوید میانداد) (صرف فیملیز کیتے) اتے پریمیم انکلوژرز ( میراں بخش، شعیب اختر، سہیل تنویر اتے یاسر عرفات ) اچوں ایکشن کوں مفت ݙیکھ سڳسن۔ پی سی بی گیلری یا پلاٹینم باکس کیتے ڳھدے ڳئے ٹکٹاں تے مفت داخلے دی پالیسی نافذ نی تھیندی۔ پہلے توں ڳھدی ڳئی ٹکٹاں دی رقم واپسی کر ݙتی ویسی۔
