لاہور۔ 23 اگست (اے پی پی) پی ڈی ایم اے جنوبی پنجاب دے اضلاع اچ چھل چڑھݨ دی چتاؤݨی ݙے ݙتی اے۔ پی ڈی ایم اے ولوں جاری کیتے ڳئے فلیش فلڈنگ الرٹ دے مطابق 24 توں 30 اگست تئیں جنوبی پنجاب دے کئی اضلاع اچ ودھ بارشاں تھیسن۔ کوہ سلیمان و کیرتھر رینج اچ ودھ بارشاں نال رودکوہیاں اچ وی چھل دے ریلے چلݨ دا خطرہ اے اتے موسلا دھار بارشاں نال کئی ضلعیاں اچ فلیش فلڈنگ تھی سڳدی اے۔ پی ڈی ایم اے کمشنر ڈیرہ غازی کوں الرٹ جاری کریندے ہر ویلھے تیار رہݨ دی ہدایت کیتی اے جو متعلقہ محکمے تیاری رکھین۔ ڈپٹی کمشنرز راجن پور اتےڈی جی خان کوں وی چتاوݨی ݙتی ڳئی اے۔
