لاہور۔28اگست(اے پی پی)انٹرنیشنل کرکٹ کونسل (آئی سی سی) ٹیسٹ پلیئرز دی نویں رینکنگ جاری کرݙتی اے جیندے اچ ٹیسٹ بلے بازاں اچ انگلش بلے باز جوئے روٹ حالی وی پہلے نمبر تے ہین ڄݙاں جو قومی کرکٹر بابر اعظم دی رینکنگ اچ 6 درجے تنزلی تھئی اے اتے او تریڄھی توں ناویں پوزیشن تے آڳن۔ قومی ٹیم دے وکٹ کیپر بلے باز محمد رضوان بہترین پرفارمنس تے چھی درجے ترقی نال ݙاہویں نمبر تے پڄ ڳن ڄݙاں جو قومی ٹیسٹ ٹیم دے نائب کپتان سعود شکیل ہک درجہ بہتری نال 13 ویں نمبر تے آگئن۔ آئی سی سی ٹیسٹ بالرز دی رینکنگ اچ فاسٹ بالر شاہین شاہ آفریدی ݙو درجہ تلے آتے ݙاہویں نمبر تے رہ ڳن ڄݙاں جو نسیم شاہ چار درجے ترقی نال 33ویں نمبر تے ہین۔
