ملتان۔ 30 اگست (اے پی پی) ایڈیشنل چیف سیکرٹری جنوبی پنجاب فواد ہاشم ربانی آکھیے پلڈاٹ جنوبی پنجاب سیکرٹریٹ دی کارکردگی، مینڈیٹ اتے اختیارات دے حوالے نال ابتدائی سفارشات تیار کرڳھدن جیڑھی حکومت پنجاب کوں بھیڄیاں ویسن ،جنوبی پنجاب سیکرٹریٹ دی سو فیصد کارکردگی سانڳے پولیٹیکل اونرشپ اتےھک مکمل فریم ورک بݨاوݨ دی لوڑھ اے ۔ اے ڳالھ انہاں سیکرٹریٹ اچ پلڈاٹ دی طرفوں تیار کیتی ڳئی سفارشات دا جائزہ گھنݨ سانڳے آپمی صدارت اچ مشاورتی اجلاس توں خطاب اچ آکھی ۔ اجلاس اچ جنوبی پنجاب دے ایڈمنسٹریٹو سیکرٹریز،سپیشل سیکرٹریز اتے ایڈیشنل سیکرٹریز شرکت کیتی۔ پلڈاٹ دے صدر فہیم احمد خان سفارشات متعلق شرکا کوں بریفنگ ݙتی ۔ فواد ہاشم ربانی آکھیے جنوبی پنجاب سیکرٹریٹ دی کارکردگی اتے مینڈیٹ بارے پلڈاٹ دی سفارشات قابل تعریف ہن،پلڈاٹ عوام،منتخب نمائندیں، سرکاری افسراں تے صحافیاں سودھے سارے سٹیک ہولڈرز نال ڳالھ مہاڑ دے بعد اے سفارشات تیار کیتن ، جنوبی پنجاب سیکرٹریٹ خطے دی ترقی سانڳے ٻہوں کامیابیاں ڳھدن تے مختلف محکمیں اچ قابل فخر اقدامات چاتن ۔ ایڈیشنل چیف سیکرٹری آکھیے عوام دے مسئلے مکاوݨ تے ترقی سانڳے اختیارات دی تلویں سطح تے منتقلی ٻہوں ضروری اے، پبلک سروس ڈلیوری دا اعلیٰ معیارعوام دے مسئلے انہاں دے دروازے تے حل کرݨن، انھاں آکھیے پلڈاپ دی سفارشات تےعملدر آمد نال خطہ تعمیر و ترقی دے نویں سنگ میل پارے کریسی ،جنوبی پنجاب سیکرٹریٹ دی سو فیصد کارکردگی سانڳے پولیٹیکل اونرشپ اتے ھک مکمل فریم ورک بݨاوݨ دی لوڑھ اے ۔ ایں موقع تے ایڈمنسٹریٹیو سیکرٹریز اتے سپیشل سیکرٹریز وی سفارشات تے آپݨی صلاح ݙتی
