اسلام آباد۔30اگست(اے پی پی)پاکستان دی انٹر بینک مارکیٹ اچ امریکی ڈالر دے مقابلے اچ پاکستانی روپے دا ملھ ودھ ڳئے۔ جمعہ کوں انٹر بینک مارکیٹ اچ امریکی ڈالر دے مقابلے اچ پاکستانی روپے دی قیمت 11 پیسے ودھی اے جیندے بعد ایندی نویں قیمت 278 روپے 53 پیسے تھی گئی اے۔ انٹر بینک مارکیٹ اچ سعودی ریال دی قدر 74 روپے 22 پیسے، اماراتی درہم دی قدر 75روپے 83 پیسے رہی۔ ایویں جاپانی ین بغیر کہیں تبدیلی دے 1روپے 92 پیسے، برطانوی پائونڈ 73 پیسے کمی نال 367.34 تے بند تھئے۔ اوپن مارکیٹ اچ جمعہ کوں امریکی ڈالر دی قیمت خرید 278 روپے 65 پیسے اتے قیمت فروخت 279 روپے 75 پیسے رہی۔
