راولپنڈی۔31اگست (اے پی پی) بنگلہ دیش دے کپتان نجم الحسین شانتو پاکستان دے خلاف راولپنڈی کرکٹ سٹیڈیم اچ شروع تھیوݨ آلی سیریز دے ݙوجھے تے چھیکڑی ٹیسٹ میچ اچ ٹاس جت تے پہلے فیلڈنگ دا فیصلہ کیتے ۔ میچ اچ ٹاس سویلے 9 وڄ تے 15 منٹ تے تھئے ، پاکستان ٹیم اچ ݙو تبدیلیاں کیتن ، نسیم شاہ اتے شاہین شاہ آفریدی دی جاہ تے ابرار احمد اتے میر حمزہ کوں ٹیم اچ رلایا ڳئے ۔ پاکستان دی پلیئنگ الیون اچ کپتان شان مسعود ، سعود شکیل ، عبداللہ شفیق ، بابر اعظم ، محمد رضوان ، ابرار احمد ، محمد علی ، میر حمزہ ، صائم ایوب ، سلمان علی آغا اتے خرم شہزاد شامل ہن۔ بنگلہ دیش وی ٹیم اچ ھک تبدیلی کیتی اے ، شریف الاسلام دی جاہ تے تسکین احمد کوں پلیئنگ الیون دا حصہ بݨایا ڳئے،ٹیم دے ٻئے کھلاڑیاں اچ کپتان نجم الحسن شانتو ، شادمان اسلام ، ذاکر حسن ، مومن الحق ، مشفق الرحیم ، شکیب الحسن ، لٹن داس ، مہدی حسن میراز ، تسکین احمد، حسن محمود اتے ناہید رانا شامل ہن ۔
