اسلام آباد۔2 ستمبر(اے پی پی)وفاقی وزیر خزانہ ومحصولات سینیٹر محمد اورنگزیب پاک کویت انویسٹمنٹ کمپنی دی پاکستان دی معیشت خاص کر ملک دی طویل المعیاد ترقی کیتے اہم شعبیاں اچ سٹریٹجک شراکت داری دی تعریف کیتی اے۔ او اسلام آباد اچ پاک کویت انویسٹمنٹ کمپنی دے وفد نال ملݨ ویلھے الیندے پئے ہن۔ ملاقات اچ کمپنی دے پاکستان اچ تزویراتی اقدامات، مشترکہ منصوبیاں اتے مستقبل دی حکمت عملی دا جائزہ ڳھدا ڳیا۔ پاک کویت انویسٹمنٹ کمپنی دے منیجنگ ڈائریکٹر سعد الرحمان خان، سیکرٹری خزانہ اتے فنانس ڈویژن دے سینئر حکام وی موجود ہن۔ کمپنی دے منیجنگ ڈائریکٹر پاکستان اچ کمپنی دے موجودہ پورٹ فولیو دا جائزہ پیش کیتے۔ ملاقات اچ چھوٹے اتے درمیانے درجے دے کاروباری اداریاں نال تعاون دا وی جائزہ ڳھدا ڳئے۔ وفاقی وزیر کمپنی دے اسلامی فنانسنگ دے طریقہ کار دی تعریف کیتی۔ فریقین مشترکہ منصوبیاں دی افادیت ودھاوݨ کیتے تعاون ودھاوݨ تے زور ݙتے۔
