اسلام آباد۔2ستمبر(اے پی پی)وفاقی وزیر خزانہ ومحصولات سینیٹر محمد اورنگزیب پالیسی اصلاحات اتے پائیدار اقتصادی ترقی سانڳے حکومت دا عزم دوہریندے آکھیے جو ایندے کیتے اقوام متحدہ اتے ایندیاں ایجنسیاں دا تعاون قابل تعریف اے۔ او اسلام آباد اچ پاکستان کیتے اقوام متحدہ دے ریذیڈنٹ و ہیومینٹیرین کوآرڈینیٹر محمدیحییٰ نال ملݨ ویلھے الیندے پئے ہن۔ محمد یحییٰ وزیر خزانہ کوں اقوام متحدہ اتے ایندے اداریاں ولوں پاکستان اچ ترقیاتی اتے انسانی امداد دے منصوبیاں دا ݙسائے۔ وزیر خزانہ آکھیا جو موسمیاتی مالیات اتے توانائی دے شعبہ اچ تبدیلی ملک اچ توانائی دے شعبے دی عملداری بہتر کرݨ کیتے ضروری شعبے ہین جیندے کیتے یونیس کیپ نال تعاون حوصلہ افزا اے۔ فریقین پاکستان دے ترقیاتی چیلنجاں نال نمٹݨ اتے معاشرے دے سارے طبقیاں کوں فیدہ ݙیوݨ آلے پائیدار حل تے عمل درآمد کیتے رل مل تے کم جاری رکھݨ دا عزم کیتے۔
