موکی۔09 ستمبر(اے پی پی)ایشیئن ہاکی چیمپئنز ٹرافی اچ پاکستان اتے کوریا دا میچ 2، ݙو گول نال برابر رہیے۔ قومی ٹیم ولوں ݙوہیں گول عبدالحنان شاہد کیتن۔ ایں توں پہلے وی پاکستان دا ملائشیا نال اپݨا پہلا میچ ݙو، ݙو گول نال برابر یہا ہا۔ قومی ٹیم دا تریڄھا میچ 11 ستمبر کوں جاپان نال تھیسی۔ ایونٹ دے پول اچ پاکستان اپݨا چھیکڑی میچ 14 ستمبر کوں روایتی حریف بھارت نال کھیݙسی۔ مینز ایشین چیمپیئنز ٹرافی ہاکی ٹورنامنٹ 2024 دے سیمی فائنل 16 ستمبر اتے فائنل 17 ستمبر کوں تھیسن
