غزہ دی پٹی اچ اسرائیلی جارحیت اتے فلسطینیاں دی جبری بے دخلی قابل مذمت اے، کونسل متاثرین دے نال اے، جی سی سی

ریاض ۔10ستمبر  (اے پی پی) خلیج تعاون کونسل ( جی سی سی) آکھیا جو غزہ دی پٹی اچ اسرائیلی جارحیت اتے  فلسطینیاں دی جبری بے دخلی  قابل مذمت اے، کونسل متاثرین دے نال اے۔ عاجل نیوز موجب اے ڳالھ جی سی سی  دی وزارتی کونسل آپݨے 161 ویں اجلاس دے بعد جاری بیان اچ آکھی۔ جی سی سی اسرائیل تے زور ݙتا جو او فوری طور سیز فائر اتے غزہ دی پٹی دا محاصرہ ختم کرے تانجو فلسطینیاں دی اوکھ ڳھٹ کیتی ونڄ سڳے۔ کونسل آکھیا جو غزہ دی پٹی تے جاری اسرائیلی جارحیت دی مذمت کریندوں۔ علاقے اچ فلسطینی اتھارٹی  دی واپسی ضروری اے۔جی سی سی غزہ کوں مغربی کنارے جئیں اچ مشرقی بیت المقدس شامل اے توں اںج کرݨ دے خیال کوں مسترد کر ݙتے۔ اراکین زور ݙتا جو ’الدرہ فیلڈ‘ کویت دے سمندری علاقیاں اچ واقع اے سعودی تے کویتی منقسم زون توں ملحقہ زیرآب علاقے دے قدرتی وسائل کویت تے سعودی عرب دی سانجھی ملکیت ہن۔