اسلام آباد۔10ستمبر (اے پی پی) وفاقی وزیر خزانہ تے محصولات سینیٹر محمد اورنگزیب بجلی اتے توانائی دے شعبے دی تنظیم نو بارے حکومتی عزم کریندیں ہوئیں آکھیا جو بجلی اتے توانائی دے شعبے دی تنظیم نو بارے پرعزم ہیسے، وزیر اعظم دے وژن دے مطابق ترائے ڈسکوز دی نجکاری شروع کر ݙتی ڳئی اے۔ حکومت نجی شعبے کوں سہولتاں ݙیوݨ کیتے پرعزم اے۔ اے ڳالھیں انہاں منگل کوں کے الیکٹرک دے چیئرمین بورڈ آف ڈائریکٹرز مارک سکیلٹن نال ملاقات اچ آکھی جئیں اچ کراچی دے رہائشیاں کوں سستی اتے پائیدار توانائی دی فراہمی یقینی ٻݨاوݨ، کے الیکٹرک ولوں کراچی دی ودھدی ہوئی توانائی دی لوڑھ کوں پورا کرݨ اتے کمپنی دی قابل تجدید ذرائع توں منتقلی دے منصوبیاں بارے ڳالھ مہاڑ کیتی ڳئی۔ ایں موقع تے بورڈ آف ڈائریکٹرز دے ممبران جاویدقریشی، مبشرایچ شیخ ، مونس علوی ، سی ای او عمران قریشی ، چیف ریگولیٹری افئیرز عامر غزینی، چیف فنانشل آفیسر اتے وزارت خزانہ دے سینئر افسروی موجود ہن۔ کے الیکٹرک دی ٹیم کراچی اچ بجلی دے نرخ ڳھٹ کرݨ بارے آپݨے جنریشن مکس اچ قابل تجدید ذرائع کوں شامل کرݨ دے منصوبیاں بارے بریفنگ ݙتی۔ وزیرخزانہ آکھیا جو بجلی اتے توانائی دے شعبے دی بہتری کیتے ڈھانچہ جاتی اصلاحات تے عملدرآمد جاری اے۔ بجلی اتے توانائی دے شعبے دی تنظیم نو بارے پرعزم ہیسے، وزیر اعظم دے وژن دے مطابق ترائے ڈسکوز دی نجکاری شروع کر ݙتی ڳئی اے۔ وزیر خزانہ کے الیکٹرک ولوں توانائی دی پیداوار اتے ڈسٹری بیوشن دے کماں اچ بئے سرمایہ کاری اتے توسیع کیتے کماں دی تعریف کیتی۔
