اسلام آباد۔10ستمبر (اے پی پی) اے گالھ اکادمی ادبیات پاکستان دی صدر نشین ڈاکٹر نجیبہ عارف سینئر صحافی تے ادیب فریدہ حفیظ سانگے حلقہ ارباب ذوق ولوں رکھی گئی ہک نشست اچ آکھی ۔ڈاکٹر نجیبہ عارف اے پی پی سرائیکی سروس نال گالھ مہاڑ کریندے آکھیا جو مرداں کیتے سوکھا کم ہوندے او لکھݨ پڑھݨ کیتے وقت کݙھ گھندن بھل ہک تریمت کیتے ݙاݙھا اوکھا ہوندے تے اساں گھٹ تریمتیں ڈٹھن جیڑھیاں مستقل مزاجی نال ، توازن اتے عزم نال ادب تے کم کیتا ہووے، فریدہ حفیظ کوں کہیں مرتبے اتے اگوں تے رہوݨ دا وی شوق نئیں، او ادب دیاں محفلاں اچ جتھ جاء ملے ٻیہہ ویندن کیوں جو او ادب دی دل نال خدمت کریندن۔ اساں انھاں دی ادب اچ بالاں تے کیتے گئے کم تے وی سلام پیش کریندے ہیں خاص کر حلقہ ارباب ذوق دے مشکور ہیں جنہاں اے بہترین نشست رائٹرز ہائوس ادبیات پاکستان اچ رکھی اے۔
ڈاکٹر سعدیہ کمال
