اقوام متحدہ ۔16ستمبر (اے پی پی) اقوامِ متحدہ دے ہک سینئر اہلکارڈپٹی ڈائریکٹر سیم روز خدشہ ظاہر کیتا جو اسرائیل دا اگلا ہدف غزہ اچ بے گھر لوکاں دی پناہ گاہیں اتے اقوام متحدہ دا عملہ اے۔ اے ایف پی موجب انہاں آکھیا جو غزہ اچ کم کرݨ آلے استادیں اتے اقوام متحدہ دے ٻئے عملے کوں خدشہ اے جو ایں ہفتے علاقے اچ پناہ گاہ اچ بدلیے ہک سکول تے اسرائیلی فضائی حملے دے بعد ہݨ او نشانے تے ہن۔ انہاں آکھیا جو انہاں دا عملہ ہݨ اونروا دے لوگو آلی جیکٹ نی پیندے پئے کوینجو انہاں کوں لڳدے جو ایں نال او ہدف ٻݨ ویسن۔
