بیروت ۔20ستمبر (اے پی پی) لبنان دے وزیر اعظم میقاتی اقوام متحدہ توں اپیل کیتی اے جو لبنان اچ اسرائیل ولوں ٹیکنالوجیکل وار شروع کریندیں ہوئیں پیجرز اتے واکی ٹاکیز کوں دھماکیاں دا نشانہ ٻݨاوݨ دا اقوام متحدہ نوٹس ڳھنے۔ العربیہ موجب وزیر اعظم نجیب میقاتی دا اے بیان اوں ویلھے سامھے آئے جڈاں اقوام متحدہ دی سلامتی کونسل ایں معاملے دا نوٹس ڳھنݨ آلا اے۔ نجیب میقاتی آپݨے بیان اچ آکھیا جو اقوام متحدہ دی سلامتی کونسل دے اجلاس اچ ایں بارے ضرور سخت موقف اختیار کیتا ونڄے۔ انہاں آکھیا جو اسرائیل پیجرز اتے واکی ٹاکی حملے کر تے جارحیت ݙکھائی اے۔
