اسلام آباد۔20 ستمبر(اے پی پی)کابینہ دی اقتصادی رابطہ کمیٹی (ای سی سی) تاجکستان کوں 40 ہزار میٹرک ٹن کھنݙ برآمد کرݨ دی منظوری ݙتی اے۔ کابینہ دی اقتصادی رابطہ کمیٹی دا اجلاس اسلام آباد اچ وفاقی وزیر خزانہ و محصولات سینیٹر محمد اورنگزیب دی اڳواݨی اچ تھئے۔ اجلاس اچ وزیر صنعت و پیداوار رانا تنویر حسین، وزیر بجلی سردار اویس احمد خان لغاری، وزیر منصوبہ بندی، ترقی و خصوصی اقدامات احسن اقبال، وزیر مملکت خزانہ و محصولات علی پرویز ملک، ڈپٹی چیئرمین پلاننگ کمیشن، گورنر سٹیٹ بینک، چیئرمین ایس ای سی پی، وفاقی سیکرٹریز اتے متعلقہ وزارتاں اتے ڈویژناں دے سینئر افسران شرکت کیتی۔ وزیر خزانہ کمیٹی کوں ملکی معیشت دی تازہ صورتحال، معاشی استحکام اتے معاشی اشاریاں اچ بہتری سودھا پاکستانی روپے دی قدر مستحکم تھیوݨ دا ݙسایا اتے آکھیا جو غیر ملکی زرمبادلہ دے ذخائر 26 مہینے دی ودھ سطح تے ہین، پاکستان دی آئی ٹی برآمدات 300 ملین ڈالر ماہانہ دی سطح تے تکڑیان تھی ڳن، روشن ڈیجیٹل اکائونٹس اچ مسلسل ودھارا چنڳاں اے، افراط زر اچ سنگل ڈیجٹ دی حد تئیں کمی تھئی اے، حسابات جاریہ دے کھاتیاں دے خسارہ دی صورت حال قابو اچ اے، امید اے جو تیل دی قیمتاں اچ کمی، ڈالر دی قدر اچ استحکام اتے شرح سود اچ کمی نال جاری کھاتیاں دی صورت حال اڳو تے وی چنڳی راہسی۔ انہاں آکھیا جو حکومت اڳو تے قرض ڳھنݨ کیتے اپݨیاں شرطاں سامݨے رکھیسی،س اکوں بینکنگ سیکٹر کوں نجی شعبے کوں قرضے ݙیوݨ تے توجہ ݙیوݨی ہوسی، انہاں آکھیا جو بہتر پالیسیاں پاروں 25 ستمبر کوں آئی ایم ایف پروگرام بارے چنڳی خبر ملسی، آئی ایم ایف توں قرض ملݨ توں بعد اساں کلی معیشت دے استحکام دا رستہ نئین چھوڑݨا، اساں میکرو اکنامک استحکام تے رہ تے ہی مائیکرو اکنامک استحکام ڳھن سڳدے ہیں۔ اجلاس اچ ملک اچ آندے سال جنوری تئیں مقامی ضروریات توں ودھیک کھنݙ اچوں ٻئی ایک لکھ ٹن کھنف برآمد کرݨ دی سمری دا جائزہ ڳھدا ڳیا اتے اجلاس 13 جون 2024 کوں ای سی سی اجلاس اچ طے شدہ شرائط و ضوابط دے مطابق چینی برآمد کرݨ دی منظوری ݙتی۔ اجلاس اچ وزارت داخلہ قبائلی علاقیاں اچ 8 خواتین مراکز ٻݨاوݨ کیتے 456 ملین روپے دی تکنیکی ضمنی گرانٹ دی منطوری ݙتی گئی
