بھاولپور۔ 23 ستمبر (اے پی پی) اسلامیہ یونیورسٹی بہاولپور دے 41 سائنسدان دنیا دے اعلیٰ ترین 2 فیصد سائنسداناں اچ شامل کیتا ڳئے۔ اے فہرست سٹینفورڈ یونیورسٹی امریکہ اتے معلومات دی تجزیہ کار عالمی کمپنی ایلسیویئر ولوں شائع کیتی ڳئی اے۔ ہر سال ایں فہرست اچ پوری دنیا دے انہاں ریسرچ سائنسداناں کوں شامل کیتا ویندے جنہاں آپݨے شعبیاں اچ گرانقدر کم کیتا ہووے اتے انہاں دے کم دی تعریف کریندیں ہوئیں انہاں دا تحقیقی مجلہ بطور حوالہ شامل کیتا ڳئے اتے سائنس تحقیق کیتے معاون ہووے۔ اسلامیہ یونیورسٹی بہاول پور دے 41 سائنسداناں دی شمولیت ایں جامع دی ترقی اتے عالمی سطح تے اہمیت کوں اجاگر کریندی اے۔ ڈائریکٹر اتےپروفیسر ڈاکٹر محمد عاطف دے مطابق اسلامیہ یونیورسٹی بہاول پور دے جیڑھے سائنسداناں کوں عالمی سطح تے پذیرائی ملی اے انہاں دا تعلق حیاتیات، طبیعات، کیمیا، ماحولیات، زراعت، انجینئرنگ، انفارمیشن ٹیکنالوجی اینڈ مصنوعی ذہانت، ادویہ سازی، طب اتے سماجی علوم توں اے۔ انہاں سائنسداناں اچ فیصل ذوالفقار، ڈاکٹر محمد فاروق وارثی، ڈاکٹر محمد علی، محمد اشفاق، ڈاکٹر ماجد نیاز اختر، پروفیسر ڈاکٹر واجد نسیم جتوئی، ظہیر عباس، ڈاکٹر توصیف منور، ڈاکٹر محمد اظہر خان، ڈاکٹر عبدالرحمن، محمد علی رضا، محمد عادل، محمد عمر، غلام عباس، پروفیسر ڈاکٹر مکشوف احمد، محمدالطاف نذیر، ڈاکٹر عصمت بی بی، پروفیسر ڈاکٹر تنویر حسین خان، محمد عرفان، ڈاکٹر محمد شکیل چوہدری، ڈاکٹر محمد اظہر نواز، ڈاکٹر مرتضیٰ حسن، ڈاکٹر فیصل مختار، ڈاکٹر محمد نعیم امیر، محمد ندیم ارشد، ڈاکٹر ریاض حسین، ڈاکٹر عثمان ذوالفقار، ڈاکٹر حمیرا ارشد، پروفیسر ڈاکٹر محمد اسد اللہ مدنی، پروفیسر ڈاکٹر محمد عاطف، محمد شاہد ندیم، ڈاکٹر فیصل اقبال، ڈاکٹر محمد ندیم اختر، ڈاکٹر حافظ محمد آصف، ڈاکٹر عارف محمود، محمد جمشید، پروفیسر ڈاکٹر محمد سلیم، پروفیسر ڈاکٹر سعید احمد، ڈاکٹر خورشید احمد، پروفیسر ڈاکٹر محمد اشرف اتے عبدالمجیدشامل ہن۔(
