اسلام آباد۔23ستمبر(اے پی پی)وفاقی وزیر صنعت، پیداوار و قومی غذائی تحفظ رانا تنویر حسین نال تاجکستان دے ڈائریکٹر سٹیٹ احمد زودہ نورمحمد اتو ملین۔ ملاقات اچ جمہوریہ تاجکستان دے سفیر شریف زودہ یوسف تویر وی موجود ہن۔ وزارت صنعت و پیداوار موجب تاجکستان دا وفد 40 ہزار میٹرک ٹن چینی برآمد کرݨ دے معاہدے تے دستخط کریسی۔ اقتصادی رابطہ کمیٹی تاجکستان کوں 40 ہزار میٹرک ٹن چینی برآمد کرݨ دی منظوری ݙتی ہئی، ٹریڈ کارپوریشن آف پاکستان پاکستان شوگر ملز ایسوسی ایشن اتے تاجکستان دے اسٹیٹ ریزرو میٹریل ریزرو وچال معاہدے اچ سہولت ݙیندا پئے۔ ملاقات اچ ݙوہاں ملکاں دے تجارتی تعلقات ودھاوݨ کیتے مشترکہ ورکنگ گروپ ٻݨاوݨ سودھا اشیائے خوردونوش اچ اہم تجارتی شراکت دار ٻݨݨ تے اتفاق کیتا ڳئے جو ݙو طرفہ تجارت سوکھی کرݨ کیتے سرحد دے ݙوہیں پاسو گودام ٻݨائے ویسن۔
