نیو یارک۔24ستمبر(اے پی پی)اقوام متحدہ دی جنرل اسمبلی دا 79 واں سالانہ اجلاس نیویارک اچ شروع تھی ڳئے۔ افتتاحی اجلاس نال خطاب اچ اقوام متحدہ دے سیکرٹری جنرل انتونیو گوتریس ڄڳ دی توجہ غزہ اچ جاری مظالم دو ݙویندے آکھیا جو غزہ اچ بلا تعطل بمباری ہک ݙراکلا خواب اے، فلسطینیاں دے خلاف اجتماعی سزا بلاجواز اے۔ انتونیو گوتریس آکھیا جو کشیدگی اتے تشدد ودھݨ نال ہݨ لبنان وی جنگ دے منہ تے آڳئے، لبنان کوں ہک ٻیا غزہ نئیں ٻݨݨا چاہیدا، سزا توں استثنیٰ اتے عدم مساوات دے رجحانات ڄڳ کیتے ودھدا خطرہ ہین، سزا توں استثنیٰ دا رجحان سیاسی و اخلاقی لحاظ نال ناقابل برداشت اے، عالمی برادری غزہ اچ فوری جنگ بندی کیتے اقدامات کریندے ݙو ریاستی حل کامیاب ٻݨاوے۔
