نیویارک ۔25ستمبر (اے پی پی) ایران دے صدر مسعود پزشکیان آکھیا جو لبنان کوں ݙوجھا غزہ کائنا ٻݨݨ ݙیسوں۔ اقوام متحدہ دی جنرل اسمبلی اچ شرکت کیتے امریکہ دے شہر نیویارک اچ موجود پزشکیان سی این این ٹیلی ویژن نال ڳالھ مہاڑ اچ خطے اچ اسرائیلی جارحیت دے نتیجے تے تبصرہ کیتا۔ انہاں آکھیا جو اساں لبنان کوں اسرائیل دے ہتھوں ہک ٻیا غزہ ٻݨݨ دی موکل نی ݙے سڳدے۔ ایران دے صدر اے وی آکھیا جو اگر اسرائیل دے حملے نہ روکیے ڳئے تاں خطے اچ ہک وݙی جنگ شروع تھی ویسی۔
