ریاض۔30ستمبر (اے پی پی) سعودی عرب دی قیادت لبنان دی صورتحال تے تشویش کریندیں ہوئیں لبنان دی خودمختاری اتے علاقائی سالمیت تے زور ݙتا۔ اردو نیوز موجب سعودی عرب دی وزارت خارجہ توں جاری بیان اچ لبنانی عوام کیتے آپݨی حمایت کیتی اتے انہاں تے پووݨ آلے انسانی اثرات کوں ڳھٹ کرݨ دی لوڑھ تے زور ݙتا۔ بیان اچ خطے اچ ٻئے تنازعے اتے سانحات کوں روکݨ دی اہمیت تے زور ݙیندیں ہوئیں الاقوامی برادری توں مطالبہ کیتا ڳئیا جو علاقائی امن تے سلامتی دے تحفظ کیتے ذمہ واریاں نبھاوݨ۔
