ملتان۔ 30 ستمبر (اے پی پی) پاکستان اتےانگلینڈ دی کرکٹ ٹیماں وچال آئی سی سی ورلڈ ٹیسٹ چیمپئن شپ دے ترائے میچاں دی ٹیسٹ سیریز دے پہلے ݙو میچ ست توں 19 اکتوبر تئیں ملتان کرکٹ سٹیڈیم اچ کھیݙیے ویسن جڈانجو تریجھا ٹیسٹ میچ 24توں 28اکتوبر تئیں روالپنڈی کرکٹ سٹیڈیم اچ کھیݙیا ویسی۔ پاکستان دی کرکٹ ٹیم یکم اکتوبر اتےانگلینڈ دی کرکٹ ٹیم 2اکتوبر کوں ملتان پڄسی۔ ایں بارے انتظامات پورے کر ڳھدے ڳئن، ٹیماں دی سٹیڈیم اچ آونڄ بارے ضلعی انتظامیہ ٹریفک پلان ٻݨا ڳھدے۔ ٹیماں دی سکیورٹی کیتے پولیس دے ودھیکی دستے وی ملتان سݙ ڳھدے ڳئن۔
