اسلام آباد۔2اکتوبر(اے پی پی)پاکستان کرکٹ بورڈ(پی سی بی) سٹار بلے باز بابراعظم دا مینز وائٹ بال ٹیم دی کپتانی توں استعفیٰ منظور کرڳھدے۔ قومی سلیکشن کمیٹی کوں کوں اڳو تے وائٹ بال کرکٹ دی حکمت عملی ٻݨاوݨ دا عمل شروع کرݨ دا ٹاسک ݙتا ڳئے جیندے اچ نویں کپتان ٻݨاوݨ دی وی سفارش کیتی ویسی۔ پاکستان کرکٹ بورڈ آکھیے جو پی سی بی بابر اعظم دی وائٹ بال دے کپتان ہووݨ دی حمایت کیتی ہئی ٻھل انہاں دا مستعفی تھیوݨ دا فیصلہ ہک کھلاڑی دے طور تے ٻہوں توجہ ݙیوݨ دی خؤاہش ݙسیندے ڄیڑھا انہاں دی پیشہ ورانہ مہارت اتے پاکستان کرکٹ نال جرت دا ثبوت اے، امید اے جو او اپݨی بیٹنگ اچ ٻئے نکھار کیتے زیادہ کامیابی سانڳے محنت کریسن تاں جو ٹیم کوں فیدہ پڄے۔ پی سی بی بابر اعظم دیاں کرکٹ اتے پاکستان کیتے خدمات کوں منیندے آکھیے جو او ہک باصلاحیت کھلاڑی ہین، پی سی بی بابر اعظم دی حمایت جاری رکھسی۔ بابر اعظم وی پاکستان کیتے کھیݙݨ کوں ہمیشہ وݙا اعزاز سمڄھدن اتے آکھیے جو میں ٹیم کیتے ودھ محنت نال کھݙݨ چاہنداں ایں سانڳے کپتانی توں ہٹ تے بطور کھلاڑی ٹیم کیتے بہتر پرفارم کر سڳساں۔
