ماسکو۔3اکتوبر(اے پی پی) وفاقی وزیر سرمایہ کاری، نجکاری و مواصلات عبدالعلیم خان آکھیے روس نال ݙوطرفہ کاروباری شراکت اتے مزید منصوبیں اچ سانجھی معاونت چاہندوں ،پاکستان اچ سرمایہ کاری دے وسیع موقع موجود ہن۔ اے ڳالھ انھاں روس دے ڈپٹی وزیراعظم الیکسی اوور چک کوں ملاقات اچ آکھی ۔وزارت سرمایہ کاری توں جاری بیان موجب ملاقات دے موقع تے روس اچ پاکستان دے سفیر خالد جمالی اتے سینئر حکام وی وفاقی وزیرعبدالعلیم خان دے رلے ہن۔ ملاقات اچ وزیر ٹرانسپورٹ رومان سٹاراووت اتے ڈپٹی منسٹر صنعت و تجارت الیکسی گروزدیف وی شامل ہن ۔ وفاقی وزیر عبدالعلیم خان دی روسی ڈپٹی وزیراعظم الیکسی اوور چک نال سانجھی دلچسپی دے امور تے ڳالھ مہاڑ کیتی۔ملاقات اچ تاپی گیس پراجیکٹ،ݙوطرفہ تجارت،ذرائع مواصلات اتے پاکستان، ایران، آذربائیجان تے روس تئیں مجوزہ تجارتی راہداری اتے ریل ٹریک دی تعمیر تے وی ڳالھ مہاڑ تھئی ۔ روسی ڈپٹی وزیراعظم تے وفاقی وزیر عبدالعلیم خان دی مواصلات دے شعبے اچ تعاون تے ڳالھ مہاڑ کیتی ڳئی۔ ملاقات اچ پاکستان تے روس وچال تجارتی، معاشی اٹے ݙوپاسے تعاون دی مختلف جہتاں تے ڳالھ مہاڑ کیتی ڳئی ۔ پاکستان تے روس وچال نومبر2022 اچ تھیوݨ آلے انٹرنیشنل روڈ ٹرانسپورٹ معاہدے تے غور کیتا ڳئے ۔ ایں موقع تے وفاقی وزیر آکھیے روس نال ݙوطرفہ کاروباری شراکت اتے مزید منصوبیں اچ سانجھی معاونت چاہندوں ۔ ماسکو دی بزنس کمیونٹی نال ڳالھ مہاڑ فیدہ مند ، پاکستان اچ سرمایہ کاری دے وسیع موقع ہن۔ ماسکو اچ پہلے پاک روس بزنس اینڈ انویسٹمنٹ فورم دا انعقاد مثبت نتیجہ گھن آسی ۔ ݙوہیں ملکاں دے مختلف شعبیں اچ سرمایہ کاری تھی سڳدی اے ۔روس دے ڈپٹی وزیراعظم الیکسی اوور چک پاکستان سانڳے مکمل تعاون تے خیر سگالی دا جذبہ ݙکھائے تے آکھیے نارتھ ساؤتھ انٹرنیشنل ٹرانسپورٹ کوریڈور اچ پاکستان دی دلچسپی لائق تحسین اے۔ اے یورو ایشیا تے شمالی و جنوبی ملکاں اچ رابطے سانڳے بہترین تجارتی روٹ ہوسی۔ملاقات اچ روس تےپاکستان دے متعلقہ محکمیں وچال مذاکرات جاری رکھݨ تے اتفاق رائے ہے۔
