ڈینگی ہیمرہیجک بخار اے، جئیں کوں ہݙی تروڑ بخار وی آکھیا ویندے، ڈینگی نال پیٹ اچ درد، پیشاب اچ خون اتے ساہ ڳھنݨ اوکھا تھی ویندے : معروف سرجن ڈاکٹر مرلی دھر

کراچی۔04 اکتوبر(اے پی پی) معروف سرجن ڈاکٹر مرلی دھر آکھیا جو ڈینگی ہیمرہیجک بخار اے، جئیں کوں ہݙی تروڑ بخار وی آکھیا ویندے، ڈینگی نال پیٹ اچ درد، پیشاب اچ خون اتے ساہ ڳھنݨ اوکھا تھی ویندے۔  معروف سرجن ڈاکٹر مرلی دھر اے پی پی نال ڳالھ مہاڑ کریندیں ہوئیں آکھیا جو ڈینگی بخار مچھر دے کٹݨ نال جسم اچ کھنڈ ویندے، مچھر صاف پاݨی اچ رہندے اتے ایندی علامات اچ بخار، ٹھڈ لڳݨ شامل اے۔ اتے درد اتنا شدید ہوندے جو اینکوں ہݙیاں تروڑݨ آلا بخار وی آکھیا ویندے۔ ڈینگی پاروں جسم اچ پاݨی دی ڳھٹکی تھی ویندی اے، جسم تے نیلے رنگ دے نشان نشابر تھیندن۔ پیٹ اچ درد، پیشاب اچ خون اتے ساہ ڳھنݨ اوکھا تھی ویندے۔ ایں مرض اچ ٻہوں ودھ پاݨی پیوݨا چاہیدے۔ تیز بخار کوں ڳھٹ کرݨ کیتے پیراسیٹامول دی گولیاں استعمال کیتی ونجن۔ ڈاکٹر مرلی ݙسیا جو اے بیماری ہک ہفتہ تئیں رہندی اے اتے بخار ترائے توں چار ݙینھ اچ لہہ ویندے جڈانجو جسم دا درد پںج توں ست ݙینھ تئیں رہندے، مریض کوں پندراں ݙینھ آرام کرݨ دی لوڑھ ہوندی اے۔ ڈاکٹر مرلی آکھیا جو ڈینگی مچھر جمع تھیے پاݨی دی بالٹیاں، ڈرم، ٹائراں اچ تھیندے۔ ڈینگی پچھر دے کٹݨ نال وائرس پھیلدے۔ ڈاکٹر مرلی ڈینگی توں بچݨ بارے آکھیا جو ڈینگی توں بچݨ کیتے پورے کپڑے پاتے ونڄن۔ جسم تے مچھر مار دوا لاتی ونڄے۔ مچھر بھڄاوݨ آلی دوا دا اسپرے کرݨا چاہیدے اتے پاݨی کوں ڈھپ تے رکھݨا چاہیدے۔ انہاں آکھیا جو ڈینگی ہیمرہیجک بخار اے، اگر کہیں کوں ایندی علامات نشابر تھیون تاں اونکوں فوری ہسپتال داخل کرایا ونڄے۔