اسلام آباد۔7اکتوبر (اے پی پی) چینی سفارت خانے اتے قونصلیٹ جنرل کراچی دے جنا ح انٹر نیشنل ایئر پورٹ دے نیڑے پورٹ قاسم پاور جنریشن کمپنی لمیٹڈ دے قافلے تے دہشت گردانہ حملے دی شدید مذمت کیتی اے۔ سنوار کوں چینی سفارت خانے توں جاری بیان اچ حملے اچ مرݨ آلیاں کیتے تعزیت کیتی ڳئی اتے انہاں دے ٹٻراں اتے زخمیاں نال دلی ہمدردی کیتی ڳئی۔ چینی سفارت خانے اتے قونصل خانے حکومت پاکستان توں مطالبہ کیتا جو او زخمیاں دے علاج کیتے ہرممکن کوشش کرے۔ حملے دی پوری تحقیقات کر تے مجرماں کوں سخت سزا ݙیوے اتے پاکستان اچ چینی شہریاں، چینی اداریاں اتے منصوبیاں دے تحفظ کیتے عملی اقدامات کرے۔
