نیو یارک۔7اکتوبر (اے پی پی) اقوام متحدہ دے سیکرٹری جنرل انتونیو گوتریس غزہ اچ اسرائیلی جنگ کوں ہک سال پورا تھیوݨ تے مقبوضہ فلسطینی علاقیاں اچ امن دی اپیل کیتی اے۔ آپݨے ویڈیو سنیھے اچ انہاں آکھیا جو ست اکتوبر کوں غزہ اچ اسرائیل ولوں فلسطینیاں دی نسل کشی دے ایں خوفناک ݙینھ دے واقعیاں تے قدرتی طور توجہ ݙیوݨ دا ݙینھ اے۔ انہاں سارے متاثرین اتے انہاں دے پیاریاں نال یکجہتی کیتی۔ اقوام متحدہ دے سربراہ لبنان اچ اسرائیلی حملیاں اتے بمباری تے وی تشویش کیتی جئیں پاروں ہک ہزار توں ودھ شہید اتے ݙاہ لکھ توں ودھ آپݨے گھر چھوڑݨ تے مجبور ہن۔ انہاں آکھیا جو گزریل سال غزہ اچ اسرائیل دے خوفناک حملیاں دے بعد شروع تھیوݨ آلی جنگ انسانی زندگی کوں تباہ کر ݙتے اتے غزہ اچ فسلطینیاں اتے ہݨ لبنان دے لوکاں کوں ٻہوں مصیبتاں ہن۔ چھݨ چھݨ کوں غزہ دی وزارت اوقاف اتے مذہبی امور دے مطابق غزہ اچ اسرائیلی فوج ہک سال اچ جاری نسل کشی دی جنگ اچ 814 توں ودھ مسیتاں کوں تباہ کر ݙتے اتے 148 دا نقصان تھیے۔ غزہ دی وزارت عالمی برادری توں مطالبہ کیتا او جو جاری جنگ کوں روکݨ کیتے فوری مداخلت کرے۔ وزارت ولوں اے بیان غزہ اچ اسرائیلی جنگ کوں ہک سال پورا تھیوݨ دے موقع تے سامھے آئے۔ واضح راہوے جو غزہ اچ اسرائیلی جارحیت اچ 41,825 فلسطینی شہید تھی ڳئن جئیں اچ ودھ تعداد تریمتیں اتے ٻالاں دی اے۔ جنگ اچ 17 لکھ توں ودھ مقامی طور بے گھر تھی ڳئن۔
