بیروت ۔11اکتوبر (اے پی پی) لبنان دے وزیر اعظم نجیب میقاتی آکھیا جو سلامتی کونسل دے اجلاس توں پہلے لبنان اتے اسرائیل وچال جنگ بندی کیتے بین الاقوامی سطح تے سفارتی کوششاں تیز تھین۔ العربیہ موجب انہاں ایکس تے جاری پوسٹ اچ لکھیا جو لبنان اتے اسرائیل وچال جنگ بندی کیتے بین الاقوامی سطح تے سفارتی کوششاں تیز تھین جئیں نال امید پیدا تھئی اے جو معاملے مثبت راہ آلے پاسے ویسن۔ نگران وزیراعظم لبنان دے مطابق اقوام متحدہ دی سلامتی کونسل دے اجلاس توں پہلے ای سفارتی کوششاں تیز تھی ڳئن۔ امریکا اتے فرانس وچال ایں بارے رابطہ تھی ڳئے جو جنگ بندی بحالی دے اعلان کیتے کم کریندے پئن۔
