ملتان۔11اکتوبر (اے پی پی) انگلینڈ دی کرکٹ ٹیم پاکستان کوں پہلے ٹیسٹ میچ اچ ہک اننگز اتے 47 رنز توں ہرا تے ترائے میچاں دی سیریز اچ 1-0 دی برتری ڳھن ڳھدی اے۔ ۔ہیری بروک کوں شاندار بلے بازی تے میچ دا بہترین کھݙاری قرار ݙتا ڳئے۔ پاکستان دی ٹیم پہلی اننگز اچ شان مسعود، عبد اللہ شفیق اتے سلمان علی آغا دی سنچریاں دی بدولت 556 رنز ٻݨائے ہن جڈانجو جواب اچ انگلینڈ آپݨی پہلی اننگز اچ ہیری بروک دی ٹرپل سنچری اتے جو روٹ دی ڈبل سنچری دی بدولت 823 رنز 7 کھݙاری آؤٹ تے ڈیکلیئر کر ݙتی ہئی اتے اونکوں 267 رنز دی برتری ہئی۔ پاکستان دی ٹیم میچ دے پنجویں اتے چھیکڑی ݙینھ اننگز دی ہار توں بچݨ کیتے 115 رنز چاہیدے ہن۔ جمعے کوں ملتان ٹیسٹ دے پنجویں فینھ پاکستان آپݨی ݙوجھی نامکمل اننگز 152 رنز چھی کھݙاری آؤٹ نال کیتا۔ اوندے بعد سلمان علی آغا 63 رنز ٻݨا تے جیک لیچ دی گیند تے ایل بی ڈبلیو آؤٹ تھیے جئیں دے بعد عامر جمال وی آپݨی نصف سنچری پوری کیتی۔ پاکستان دی اٹھویں وکٹ وکٹ 214 رنز تے ݙٹھی جݙاں شاہین آفریدی 10 رنز ٻݨا تے جیک لیچ دی گیند تے آؤٹ تھیے۔ نسیم شاہ پاکستان دے چھیکڑی آؤٹ تھیوݨ آلے کھݙاری ہن جیڑھے چھی رنز ٻݨا تے جیک لیچ دی گیند تے جمی سمتھ دے ہتھوں کیچ آؤٹ تھیے۔ ابرار احمد بیماری پاروں کھیݙݨ کیتے نی آسڳیے۔ پاکستان دی ٹیم آپݨی ݙوجھی اننگز اچ 220 رنز ٻݨا تے آؤٹ تھی ڳئی۔
