کولمبو۔13اکتوبر(اے پی پی) سری لنکا اچ مینھ دے نتیجے اچ چھل آوݨ پاروں 12 ضلعیں دے ھک لکھ 18 ہزار 32 لوک بے گھرتھی ڳئن ۔ شنہوا سری لنکن ڈیزاسٹر مینجمنٹ سینٹر دے حوالے نال ݙسائے جو ملک اچ وسݨ آلے مینھ تے چھل پاروں 7 اکتوبر توں اڄ تئیں ھک لکھ 18 ہزار 32 لوک بے گھر تھئن جݙاں جو 234 مکاناں کوں جزوی ضیان پُڄے۔ محکمہ موسمیات مغربی سباراگامووا، شمال مغربی، وسطی اتے شمالی صوبیں تے گالے و ماتارا ضلعیں اچ کھمݨ نال مینھ وسݨ دا امکان اے۔
