ملتان۔ 18 اکتوبر(اے پی پی) پاکستان ݙوڄھے کرکٹ ٹیسٹ میچ اچ انگلینڈ کوں 152 رنز توں ہرا تے، سیریز ہک، ہک نال برابر کر ݙتی۔ ملتان انٹرنیشنل اسٹیڈیم اچ کھیݙے ونڄݨ آلے ݙوڄھے ٹیسٹ میچ اچ انگلینڈ چوتھے ݙینھ کھیݙ ݙو وکٹ دے نقصان تے 36 رنز توں شروع کیتے ٻھل پاکستانی سپنر ساجد خان اتے نعمان علی انگلش بلے بازاں کیتے اوکھے ثابت تھئین، نعمان علی کیرئیر بیسٹ 8 شکار کیتن ڄݙاں جو 2 کھلاڑیاں کوں ساڄد خان گھر ٻھیڄے۔ میچ اچ ساجد خان اتے نعمان علی 11 وکٹاں ڳھدن۔
نعمان علی انگلش بلے بازاں اولی پوپ، جو روٹ، ہیری بروک، وکٹ کیپر بیٹر جیمی اسمتھ، انگلش کپتان بین اسٹوکس، برینڈن کرس، جیک لیچ اتے شعیب بشیر کوں پویلئن ٻھڄیے۔ ساجد خان کوں مین آف میچ قرار ݙتا ڳئے۔
پاکستان پہلی اننگز اچ 366 رنز ٻݨائے ہن جیندے بعد انگلینڈ دی ٹیم 75 رنز دے ڳھاٹے نال پہلی اننگز اچ 291 رنز تے آؤٹ تھی گئی ہئی۔
MULTAN: October 18 – Abdullah Shafique dives in a valiant attempt to catch England’s Shoaib Bashir during day four of the Second Test Match at Multan Cricket Stadium. APP/QSM/MAF/FHA
ݙوڄھی اننگز اچ پاکستانی ٹیم 221 رنز تے آؤٹ تھئی اتے انگلینڈ کوں جیت کیتے 297 رنز دا ہدف ݙتے ٻھل پوری انگلش ٹیم 144 رنز ٻݨا سڳی۔ انگلینڈ ولوں ݙوہیں اننگز اچ میتھو پوٹس 3، برائیڈن کرس 5، جیک لیچ 7 اتے شعیب بشیر 5 وکٹاں ڳھدن۔
MULTAN: October 18 – Pakistan’s Noman Ali celebrates after taking wickets of England batsman Ben Stokes during day four of the Second Test Match between Pakistan and England at Multan Cricket Stadium. APP/QSM/MAF/FHA
