اسلام آباد۔22اکتوبر(اے پی پی)پاکستانی وفد عالمی بنک اتے آئی ایم ایف دے سالانہ اجلاساں سانڳے واشنگٹن ڈی سی اچ الواریز اینڈ مارسل دے وفد نال ملیے۔ پاکستانی وفد اچ سیکرٹری خزانہ امداد اللہ بوسال اتے گورنر سٹیٹ بنک جمیل احمد، سیکریٹری اقتصادی امور ڈاکٹر کاظم نیاز شامل ہن۔ الواریز اینڈ مارسل دے وفد دی اڳواݨی سابق گورنر سٹیٹ بینک آف پاکستان اتے الواریز اینڈ مارسل اچ ساورن مشاورتی خدمات دے مینجنگ ڈائریکٹر ڈاکٹر رضا باقر کیتی۔ انہاں اندرونی بین الاقوامی کیپٹل مارکیٹاں اتے بیرونی قرض دہندگان تئیں رسائی بحال کرݨ دے طریقیں تے غور کیتے۔ وفاقی وزیر خزانہ اتے محصولات محمد اورنگزیب 21 توں 26 اکتوبر 2024 تئیں واشنگٹن ڈی سی اچ تھیوݨ آلے ورلڈ بینک گروپ اتے انٹرنیشنل مانیٹری فنڈ (آئی ایم ایف) دے سالانہ اجلاس اچ پاکستانی وفد دی قیادت کریندے پن
