ملتان۔ 22 اکتوبر(اے پی پی)نامور شاعر، ماہر تعلیم اتے نقاد پروفیسر ڈاکٹراسلم انصاری منگل 22 اکتوبر کوں ملتان اچ فوت تھی ڳن۔ انہاں دی 85 سال ہئی۔ او 30 اپریل 1939ء کوں بیرون پاک گیٹ ملتان دے علاقے بھیتی سرائے اچ ڄمیے ہن۔ انہاں اردو اتے فارسی اچ ایم کیتا اتے 1998ء اچ ڈاکٹریٹ کیتی اتے شعبہ تدریس نال جڑیے رہین۔ ڈاکٹر اسلم انصاری دی تصنیفات اچ اردو اتے فارسی دے 5 شعری مجموعیان سودھا سرائیکی ناول ”ٻیڑی وچ دریا“ اتے مختلف تنقیدی و تحقیقی مضامین شامل ہن۔ حکومت پاکستان انہاں کو شاندار خدمات تے تمغہ حسن کارکردگی اتے تمغہ امتیاز وی ݙتے۔ او خواجہ فرید دیاں کافیاں دے ترجمے تے نیشنل بینک ایوارڈ اتے اقبالیات تے اقبال ایوارڈ وی ڳھن چکین۔ انہاں دی نظم ” گوتم سے مکالمہ“ زبان زد عام اے،” میں نے روکا بھی نہیں اور وہ ٹھہرا بھی نہیں “ سودھا کئی غزلاں اتے اشعار ضرب المثل منیے ویندن۔
