واشنگٹن۔23اکتوبر(اے پی پی)وفاقی وزیر خزانہ و محصولات سینیٹر محمد اورنگزیب واشنگٹن اچ آئی ایم ایف دے منیجنگ ڈائریکٹر دی مختلف وزراء خزانہ، مرکزی بینکاں دے گورنرز، مشرق وسطیٰ اتے شمالی افریقہ ریجن دے علاقائی مالیاتی اداریاں دے سربراہان نال اجتماعی ملاقات اچ شرکت کیتی۔ وزیر خزانہ سینیٹر محمد اورنگزیب آئی ایم ایف دی امداد سانڳے فریم ورک اچ سماجی تحفظ دے اقدامات دی شمولیت تےزور ݙیندے بین الاقوامی مالیاتی فنڈ (آئی ایم ایف) نال ماحولیاتی استحکام کیتے امداد ودھاوݨ دا آکھیے تاں جو ماحولیاتی خطرات نال متاثرہ ملکاں دا ودھ ہتھ ونݙایا ونڄ سڳے اتے قرض ادائیگی اچ سوکھ ݙتا ونڄے۔ وزیر خزانہ ڳھٹ آمدنی آلے ملکاں کیتے قرضیاں دی پائیداری دے فریم ورک اچ نویں اٻھردے چیلنجز بشمول ماحول دے متعلقہ خطرات، داخلی ملکی قرضیاں اتے قرضیاں دی ری سٹرکچرنگ ڄھیں معاملات دی شمولیت کوں خوش آئند قرار ݙتے۔
