اسلام آباد۔23اکتوبر(اے پی پی)مہاندرے ادیب، دانشور اتے ناول نگار ڈاکٹر اسلم انصاری کوں ملتان اچ دفنا ݙتا ڳئے۔ انہاں دی نماز جنازہ اچ وݙی تعداد اچ اہل قلم دانشوراں، سحافیاں اتے مقامی لوکاں شرکت کیتی۔
ٻئے پاسو اکادمی ادبیاتِ پاکستان دی صدر نشیں ڈاکٹر نجیبہ عارف اتے ڈی جی سلطان ناصر ملک دے معروف تے معتبر شاعر، ادیب، محقق تے دانشور پروفیسر ڈاکٹر اسلم انصاری دے انتقال تے افسوس کیتے۔ ڈاکٹر اسلم انصاری 30 اپریل 1939 کوں ملتان اچ جمے ۔ انھاں ایمرسن کالج ملتان توں 1959 اچ بی اے آنرز تے پنجاب یونیورسٹی اوریئنٹل کالج توں 1962اچ ایم اے اردو کیتا۔ تے ول ایم اے فارسی تے پی ایچ ڈی دی ڈگری گھدی ۔ ملازمت یونیورسٹی اوریئنٹل کالج لاہور توں شروع کیتی ۔ ڈاکٹر اسلم انصاری ایمرسن کالج ملتان توں بطور ایسوسی ایٹ پروفیسر ریٹائر تھئے۔ او ملتان آرٹس کونسل دے بانی ریذیڈنٹ ڈائریکٹر وی رہیے ۔ انھاں دی شاعری، علمی تے ادبی خدمات تے مختلف جامعات اچ ایم اے، ایم فل تے پی ایچ ڈی دے مقالات لکھے ونج چکئین جیندے اچ یونیورسٹی لندن اچ لکھا گیا پی ایچ ڈی دا مقالہ وی شامل اے۔ انھاں دی ادبی خدمات تےکئی ایوارڈز پیش کیتے گئے جیندے اچ تمغہ حسن کارکردگی، صدارتی تمغہ امتیاز، اقبال ایوارڈ، خواجہ غلام فرید ایوارڈ، فیض احمد فیض ایوارڈ تے ریڈیو پاکستان ایوارڈ قابل ذکر ان ۔ ڈاکٹر اسلم انصاری دیاں اردو کتاباں اچ خواب و آگہی، نقش عہد و سال، فیضانِ اقبال، شبِ عشق کا ستارہ، تحریر نغمہ، ماہ و انجم، پسِ دیوار چمن، منتخب کلیات اسلم انصاری، کلیات اسلم انصاری، جڈاں جو فارسی تصنیفات اچ چراغ لالہ، نگار خاطر، دیوان اسلم انصاری اتے فرخ نامہ شامل ان ۔
“گلبانگِ آرزو” دے عنوان نال انھاں دی فارسی کلیات 2024 اچ پہلی واری اکادمی ادبیاتِ پاکستان چھاپی کیتی۔ سرائیکی اچ انھاں دا ناول “بیڑی وچ دریا” دا ترجمہ “ناؤ میں ندیا” دے عنوان نال چھپ چکے ۔ ہک محقق تے اقبال شناس دے طور تے انھاں دیاں خدمات نشابر ان ۔ انھاں دی تحقیقی تے تنقیدی تصانیف اچ اقبال عہد آفریں، اقبال عہد ساز شاعر اتے مفکر، شعر و فکر اقبال، مطالعاتِ اقبالیات و ادبیاتِ عالم قابل ذکر ان ۔انھاں خواجہ غلام فرید دیاں کافیاں دے انگریزی تراجم کیتن تے او انگریزی اچ نظماں “کھیل اور کہانیاں” وی لکھ چکئین ۔ اکادمی ادبیاتِ پاکستان دے معروف کتابی سلسلے “پاکستانی ادب کے معمار” دے تحت ڈاکٹر اسلم انصاری دے فن تے شخصیت اتے ڈاکٹر محمد افتخار شفیع دی کتاب 2010 اچ چھاپی گئی ہئی۔ڈاکٹر سعدیہ کمال
