اسلام آباد۔2نومبر(اے پی پی) وسیب دے تاریخی شہر بہاولپور دا ناں روشن کرݨ آلی دھی غوث فاطمہ اسلام آباد اچ نیشنل تائیکوانڈو چیمپئن شپ اچ پہلی پوزیشن گھن تے گولڈ میڈل آپݨے ناں کر ڳھدا۔ واضح رہے جوغوث فاطمہ تھاݨہ کوتوالی بہاولپوراچ تعینات سب انسپکٹر رزاق سندھو دی صاحبزادی ہن ۔ جنہاں آپݨی غیر معمولی کاکردگی ݙکھا تے اسلام آباد اچ نیشنل تائیکوانڈو چیمپئن شپ اچ پہلی پوزیشن گھن تے گولڈ میڈل آپݨے ناں کیتے،ایں خوشی دے موقع تے بہاولپور دے شہریاں تے انھاں دے والد بہاولپورپڄݨ تے غوث فاطمہ دا پرتپاک استقبال کیتا انھاں کوں پُھلاں دے ہار پوائے۔ غوث فاطمہ دے جتݨ دی خوشی اچ پورے بہاولپور شہراچ خوشی دی لہرکھنڈ ڳئی اے۔
