ملتان۔ 04 نومبر (اے پی پی) جنوبی پنجاب دے ٻئے شہراں وانڳوں ملتان وی سنوار کوں سموگ دی ولھیٹ اچ آڳئے۔ پورے ݙینھ سموگ پاروں سجھ نظر نی آیا اتے ساہ دے مریضاں کوں وی اوکھ تھی اے۔ لوکاں دی وݙی تعداد ماسک لا تے سفر کریندی رہی۔ محکمہ موسمیات دی ویب سائیٹ موجب ملتان اچ ݙوپہر ہک وڄے ایئر کوالٹی انڈیکس 153 ہئی جیڑھا جو صحت کیتے نقصان دہ اے۔ والدین مطالبہ کیتا جو لاہور وانڳوں ملتان اچ وی سموگ دے ݙینھ اچ سکولاں کوں چھٹی دا حکم ݙتا ونڄے۔
