اسلام آباد۔5نومبر (اے پی پی) وفاقی وزیرخزانہ تے محصولات سینیٹرمحمداورنگزیب قدرتی آفات نال نبڑݨ، موسمیاتی تبدیلیاں دے اثرات اتے طویل مدتی بنیاد تے آفات دی تیاری اچ مالی اتے تکنیکی تعاون بارے ایشیائی انفراسٹرکچرانویسٹمنٹ بینک دے کردار دی تعریف کریندیں ہوئیں پاکستان اچ جاری منصوبیاں کیتے فنڈز دی فراہمی دے عمل کوں تیز کرݨ دی لوڑھ تے زور ݙتا۔ اے ڳالھ انہاں منگل کوں ایشین انفراسٹرکچر انویسٹمنٹ بینک دے وفد نال ملاقات اچ آکھی۔ وفد دی قیادت بینک دے نائب صدر برائے کلائنٹ ریجن و پراجیکٹ فنانس گلوبل کانسٹنٹن لمیتووسکی کر یندے پئے ہن۔ بینک دی ٹیم وزیر خزانہ کوں پاکستان اچ بینک دے پورٹ فولیو اچ شامل مختلف سرمایہ کاری دے منصوبیاں بارے بریفنگ ݙتی۔ انہاں ݙسیا جو بینک ولوں پاکستان اچ پاݨی نال بجلی دے پیداوار، سڑکوں وشاہرات، ٹرانسپورٹ شعبہ، شہری بنیادی ڈھانچہ دی ترقی، موسمیاتی تبدیلیاں دے اثرات دا مقابلہ کرݨ، وبائی امراض، تنازعات اتے موسمیاتی تبدیلی نال تھیوݨ آلے سیلابی آفات نال نبڑݨ دے منصوبیاں تے کم جاری اے۔ بینک دے وفد پاکستان کوں اہم سانجھے دار ملک قرار ݙیندیں ہوئیں پاکستان دی ترقیاتی اہداف کیتے موسمیاتی تبدیلی بارے چیلنجز تے قابو پاوݨ کیتے بینک دا عزم کیتا۔ بینک ولوں ایں بارے پالیسی اتے بجٹ دی سطح تے تعاون کرݨ دا یقین ݙوایا ڳئیا۔ وزیرخزانہ آکھیا جو قدرتی آفات اتے موسمیاتی تبدیلیاں نال نبڑݨ کیتے ایشیائی انفراسٹرکچرانویسٹمنٹ بینک داکردارقابل تعریف اے۔ وزیر خزانہ گزریل مہینے واشنگٹن ڈی سی اچ بینک دے صدر، جن لیکون نال تھیوݨ آلی آپݨی ملاقات دا ذکر وی کیتا۔
