برسبین۔11نومبر (اے پی پی) آسٹریلیا اتے پاکستان دی کرکٹ ٹیماں وچال ترائے ٹی ٹونٹی میچاں دی سیریز 14 نومبر توں شروع تھیسی، پہلا میچ 14 نومبر کوں دی گابا برسبین اچ کھیݙیا ویسی۔ پاکستان دی کرکٹ ٹیم آسٹریلیا دے دورے تے اے اتے میزبان ٹیم دے خلاف ترائے ون ڈے میچ کھیݙ چکی اے جئیں اچ گرین شرٹس کینگروز کوں ݙو ہک نال ہرائے۔ پاکستان 22 سالیں بعد آسٹریلیا کوں اوندے ہوم گراؤنڈ تے ون ڈے سیریز اچ ہرائے۔ ون ڈے دے بعد ٹی ٹونٹی دے ترائے میچاں دی سیریز 14 نومبر کوں شروع تھیسی۔ ݙوجھا ٹی ٹونٹی میچ 16 نومبر کوں سڈنی کرکٹ گراؤنڈ جڈانجو تریجھا اتے چھیکڑی ٹی ٹونٹی 18 نومبر کوں بیلریو اوول ہوبارٹ اچ کھیڈیا ویسی۔
