اسلام آباد۔11نومبر (اے پی پی) وفاقی وزیر خزانہ تے محصولات سینیٹر محمد اورنگزیب نال جمہوریہ ترکیہ دے سفیر عرفان نذیر اوگلو سنوار کوں ملاقات کیتی۔ ملاقات اچ ݙوہیں ملکاں وچال تاریخی برادرانہ تعلقات تے روشتی پاتی ڳئی اتے خصوصی طور تجارت، سرمایہ کاری اتے دفاع دے شعبیاں اچ ودھدے ہوئے تعاون تے ڳالھ کیتی ڳئی۔ سینیٹر اورنگزیب عرفان نذیر اوگلو کوں انہاں دی سفارتی ذمہ واریاں تے خوش آمدید آکھیا اتے پاکستان اتے ترکی دے تعلقات کوں ودھاوݨ دی اہمیت تے زور ݙتا۔ انہاں واشنگٹن ڈی سی اچ اڄوکے ورلڈ بینک گروپ/آئی ایم ایف سالانہ میٹنگ 2024 وچال ترکیہ دے وزیر خزانہ مہمت شمشیک نال تھیوݨ آلی آپݨی ملاقات دا ذکر وی کیتا جئیں اچ پاور سیکٹر دی اصلاحات بارے ترکیہ دے تجریاں توں فیدہ چاوݨ دے امکان تے بحث کیتی ڳئی۔ ترک سفیر پاکستان دی معاشی اصلاحات دی تعریف کیتی اتے تعلقات کوں ٻیا مضبوط ٻݨاوݨ کیتے تعاون دا یقین ݙوایا۔
