اسلام آباد ۔ 30 مئی (اے پی پی) وفاقی وزیر دفاعی پیدوار رانا تنویر حسین پاکستان ڈے موجود جے ایف 17تھنڈر کامیاب ترین لڑاکا طیارہ اے،ا ے طیارے ایف16دی لوڑھ پوری کرنڑ دی صلاحیت رکھیندین ،ایم آئی35ہیلی کاپٹراں دے حصول سانگے روس نال گالھ مہاڑ تھیندی پئی اے،پی او ایف اچ بنڑنڑ آلے چھوٹے ہتھیار امریکہ ،برطانیہ، اتے جرمنی سمیت بئے ملکاں اچ ایکسپورٹ کیتے ویندے پئن۔او اسلام آباد اچ تقریب نال خطاب دے بعد صحافیاں نال گالھ مہاڑ کریندے پئے ہن ۔انہاں آکھیا جو امریکہ نال ایف سولہاں طیاریاں بارے گالھ مہاڑ تھیندی پئی اے ،اگر اے طیارے مل ونجن تاں ٹھیک اتے نہ ملیے تاں اساڈے کنے جے ایف تھنڈر لڑاکا طیارے ہن ،اے طیارے ایف16دی لوڑھ پوری کرنڑ دی صلاحیت رکھیندین اتے او آپنڑی دفاعی لوڑھ پوری کرنڑ سانگے بئے ملکاں نال وی رجوع کیتا ونج سگدے۔انہاں آکھیا جو امریکہ ولوں پاکستان اچ اجوکے ڈرون حملے دے بعد احتجاج کیتا گئے ۔دفتر خارجہ امریکی سفیر کوں سڈ تے احتجاج وی کیتا گئے ۔آرمی چیف اتے بئے اعلیٰ سطح فورمز وی ایں معاملے تے تشویش کیتی اے
