ملتان۔ 22 نومبر (اے پی پی) وزیر اعلیٰ پنجاب مریم نواز شریف نشتر ہسپتال دے ڈائیلسز یونٹ کوں کوں 25مریضاں دے ایچ آئی تھیوݨ دا معاملہ، ایم ایس سودھے سٹاف دے چھی ارکان معطل کر ݙتن۔ تفصیل موجب وزیراعلی پنجاب مریم نواز شریف جمعے کوں نشتر ہسپتال دا اچانک دورہ کیتا اتے ڈائلیسز یونٹ اچ مریضاں دے ایچ آئی وی اچ مبتلا تھیوݨ دے معاملے تے بریفنگ ڳھدی۔ وزیر اعلی پنجاب فیکٹ فائنڈنگ رپورٹ دی روشنی اچ نشتر ہسپتال دے ایم ایس، نفرولوجی وارڈ دے سربراہ،ایسوسی ایٹ پروفیسر،اسسٹنٹ پروفیسر،ایڈمن رجسٹرار اتے ہک نرس کوں معطل کر ݙتے۔ کڄھ ݙینھ پہلے نشتر ہسپتال دے نیو ڈائیلسز یونٹ اچ طبی عملہ دی مبینہ غفلت پاروں ایچ آئی وی ایڈز دے مریضاں دی وݙی تعداد سامھے آئی ہئی جئیں تے وزیراعلیٰ نوٹس ڳھن تے تحقیقات دا حکم ݙتا ہئی۔
