اسلام آباد۔28نومبر (اے پی پی) اقوام متحدہ ولوں پوری دنیا اچ فلسینی عوام نال یکجہتی دا جڳ ݙیھاڑ 29 نومبر کوں منایا ویسی۔ پاکستان سودھے پوری دنیا اچ مظلوم فلسطینی عوام نال یکجہتی دا جڳ ݙیھاڑ 29 نومبرجمعے کوں منایا ویسی۔ ایں ݙینھ دی مناسبت نال پوری ملک اچ مختلف تقریبات کیتی ویسن۔ جمعۃ المبارک دے اجتماعات آچ مظلوم فلسطینیاں کیتےخصوصی دعائیں وی کیتی ویسن۔ اقوام متحدہ 1977 اچ ہک قرارداد دے ذریعے 29 نومبر کوں فلسطین نال یکجہتی دا جڳ ݙیھاڑ مناوݨ دا فیصلہ کیتا ہئی۔
