اسلام آباد۔3دسمبر (اے پی پی) 20 ویں چولستان ڈیزرٹ انٹرنیشنل جیپ ریلی چھی فروری توں شروع تھیسی، ترجمان پی ٹی ڈی سی موجب ریلی چھی توں نو فروری تئیں جاری رہسی۔ ہر سال محکہ سیاحت ولوں تھیوݨ آلی پاکستان دی ساریاں توں وݙی جیپ ریلی اچ پورے ملک توں ڳاݙیاں اتے ریسنگ دے شوقین لوکاں دی وݙی تعداد شریک تھیندی اے۔ ایں ریلے کیتے کئی مہینے پہلی تیاریاں شروع کر ݙتی ڳئن۔ اے ریلی 500کلومیٹر توں ودھ فاصلہ طے کریندی اے۔
