بہاول پور۔ 03 دسمبر (اے پی پی) بہاولپور اچ نامعلوم بندیاں ہکے گھر دے پںج بندیاں کوں گولی مار تے قتل کر ݙتے۔ ماڈل ایونیو ششماہی کینال بہاولپوراچ گزریل ݙینھ نامعلوم بندیان لاک در اتے دریاں ٻھن تے اندر سُتے ہکے ٹبر دے پںج بندیاں کوں فائرنگ کر تے قتل کر ݙتے جڈانجو موقع تے موجود ہک ٻالڑی معجزانہ طور بچ ڳئی اے۔ اطلاع تے پولیس موقع تے پڄ ڳئی۔ پولیس ذرائع موجب قتل تھیوݨ آلیاں اچ ذال پئے اتے ترائے ٻال شامل ہن جئیں اچ 40سالہ محمدکاشف، 36سالہ عروج خان، 15سالہ جہانزیب خان، 13سالہ عبداللہ، 9سالہ عبدالوہاب شامل ہن۔ پولیس ݙسیا جو ایں واقعے بارے ہمسایاں توں وی پپچھ ڳچھ کیتی اے پر کہیں فائرنگ دی آواز کائنی سݨی جئیں توں پتہ لڳدے جو واردات سائلنسر ہتھیار نال کیتی ڳئی اے۔ واقعے بارے قانونی کاروائی شروع کر ݙتی ڳئی اے۔
