اقوام متحدہ ۔4دسمبر (اے پی پی) اقوام متحدہ دی جنرل اسمبلی اسرائیل توں مشرق وسطیٰ اچ مقبوضہ فلسطینی علاقیاں توں دستبردار تھیوݨ دا مطالبہ دا اعادہ اتے مسئلے دے دے ݙو ریاستی حل دے امکانات تے ڳالھ مہاڑ کیتے جون 2025 اچ بین الاقوامی سربراہی اجلاس کراوݨ دا اعلان کیتے جئیں دی میزبانی سعودی عرب اتے فرانس سانجھے طور کریسن۔ جرمن نشریاتی ادارے دی رپورٹ موجب جنرل اسمبلی اچ 8 دے مقابلے 157 ووٹاں نال منظور تھیوݨ آلی قرارداد اچ بین الاقوامی قانون دے مطابق اسرائیل اتے فلسطین دےمسئلے دے ݙو ریاستی حل کیتے حمایت کیتی ڳئی۔ ایں قرارداد تے ووٹنگ اچ امریکا اتے اسرائیل حصہ نی ڳھدا جڈانجو ست ملک غیر حاضر رہیے۔ جنرل اسمبلی ولوں منظور کیتی ڳئی قرارداد اچ آکھیا ڳئیا جو ݙوہیں ریاستاں کوں 1967 توں پہلے دی سرحداں دی بنیاد تے منی ڳئی سرحداں دے اندر امن تے سلامتی نال راہوݨا چاہیدے۔
